UDID कार्ड जे चुकीच्या पत्त्यामुळे किंवा घर बदलल्यामुळे GMC मध्ये परत येतात अशा युडीआयडी कार्डचे वितरण व विशेष शाळेतील दिव्यांग विद्यार्थ्यांची नेत्र तपासणी शिबीर दिनांक 22. 7. 2023 शनिवार रोजी सकाळी 11 वाजता जिल्हा दिव्यांग पुनर्वसन केंद्र लातूर या ठिकाणी अतिशय उत्साहाच्या वातावरणात संपन्न झाले. या कार्यक्रमासाठी अध्यक्ष म्हणून मा. श्री. अविनाशजी देवशटवार - प्रादेशिक उपायुक्त, समाज कल्याण विभाग लातूर, तसेच मा. श्री. सुरेश दादा पाटील, कार्यवाह संवेदना प्रकल्प लातूर, मा. श्री. अनिलराव अंधोरीकर, अध्यक्ष विवेकानंद मेडिकल फाउंडेशन व रिसर्च सेंटर लातूर उपस्थित होते. हा कार्यक्रम जिल्हा दिव्यांग पुनर्वसन केंद्र लातूर, समाज कल्याण विभाग जिल्हा परिषद लातूर, विलासराव देशमुख शासकीय वैद्यकीय महाविद्यालय लातूर, विवेकानंद मेडिकल फाउंडेशन व रिसर्च सेंटर लातूर यांच्या संयुक्त विद्यमाने जिल्हा दिव्यांग पुनर्वसन केंद्र लातूर या ठिकाणी संपन्न झाला. या कार्यक्रमाचा प्रारंभ दीप प्रज्वलन व ऋषी अष्टावक्र यांच्या प्रतिमेचे पूजन करून करण्यात आले. श्री. राजूजी गायकवाड, वैद्यकीय सामाजिक कार्यकर्ता जिल्हा समाज कल्याण विभाग जिल्हा परिषद लातूर यांनी कार्यक्रमाचे प्रास्ताविक केले. UDID चा हा उपक्रम यशस्वीपणे लातूर जिल्ह्यातील एकूण १८५ UDID कार्ड चुकीच्या पत्त्यामुळे किंवा घर बदलल्यामुळे GMC मध्ये परत येतात अश्या UDID कार्ड धारकांना संपर्क करून त्याचे वितरण जिल्हा दिव्यांग पुनर्वसन केंद्र करत आहे. DDRC ने मे महिन्यात ह्या विषयात लक्ष घालून आतापुर्यंत 95 जणांना UDID कार्ड चे वितरण करण्यात आले आणि आज दिवसभरात उर्वरित ९० दिव्यांगाना याचे वितरण करण्यात येणार आहे. आतापर्यंत ज्यांना आपण DDRC मार्फत UDID कार्ड चे वितरण केले आहे त्यात कोणाला हे कार्ड शासकीय लाभ मिळण्यासाठी, शिक्षणासाठी, नौकरीसाठी तर काही जणांना साह्यक उपकरण मिळण्यासाठी उपयोगी आले. मे 2023 महिन्यामध्ये मेंदूचा पक्षघात असलेल्या लहान मुलांची मुंबई येथील तज्ञ डॉक्टरांमार्फत लातूर येथे आरोग्य तपासणी करण्यात आली. त्यातून 40 दिव्यांग जणांची शस्त्रक्रिया ठाणे येथील ज्युपिटर हॉस्पिटल येथे यशस्वी रित्या करण्यात आली. लातूर मधील जिल्हा दिव्यांग पुनर्वसन केंद्र उत्तमरीत्या दिव्यांगांसाठी कार्य करत आहे असे नमूद केले. यानंतर प्रातिनिधिक स्वरूपात सहा दिव्यांग व्यक्तींना युडीआयडी कार्डचे वितरण मान्यवरांच्या हस्ते देण्यात आले. श्री. अनिलराव अंधोरिकर यांनी नेत्र तपासणी शिबिर संकल्पना मांडली. अल्प दृष्टी व अंधत्वावर प्रतिबंध घालण्यासाठी व शीघ्र निदान व उपचार करण्यासाठी अमेरिका येथे वास्तव्यास असलेल्या परांजपे कुटुंबियांनी विवेकानंद मेडिकल फौंडेशन व रिसर्च सेंटरला नेत्र चिकित्सेसाठी देणगी दिली. सामाजिक नेत्ररोगशास्त्र यासाठी फिरती नेत्र तपासणी करण्यात येते त्यासाठी त्यांनी वाहन दिले. या उपक्रमांतर्गत वेळेच्या आधी जन्म झालेल्या व १.५ किलो पेक्षा कमी वजनाच्या बाळांमध्ये ROP (Retinopathy of Prematurity) उद्भवण्याचे प्रमाण वाढत आहे त्यामुळे त्यांची जन्म झाल्यापासून २१ ते ३० दिवसाच्या आत ROP साठी नेत्र तपासणी करणे आवश्यक आहे. ही सुविधा आता लातूर मध्ये विवेकानंद रुग्णालयात उपलब्ध आहे. सध्या ROP तपासणी विलासराव देशमुख शासकीय वैद्यकीय महाविद्यालय व शासकीय महीला रुग्णालयामधील NICU मध्ये PREMATURE बाळांची नेत्र तपासणी करण्यात येते. या उपक्रमामुळे अंधत्वावर प्रतिबंध घालता येतील. अध्यक्षीय समारोप माननीय श्री. अविनाशजी देवशटवार यांनी केले त्यात त्यांनी समाजकल्याण मार्फत शासन दिव्यांगाच्या दारी द्वारे विवीध योजना राबवीत असते. जिल्हा दिव्यांग पुनर्वसन केंद्राद्वारे UDID वितरणाचा उपक्रम हा दिव्यांगांना लाभदायी आहे असे सांगितले. उपस्थित सर्व व्यक्तींचे आभार विशेष शिक्षक बालासाहेबजी गंगणे यांनी मानले. संवेदना प्रकल्पातील विशेष आणि संगीत शिक्षक योगेश्वर बुरांडे यांनी कार्यक्रमाची सांगता कल्याण मंत्राने केली. सूत्रसंचालन श्री.परमेश्वर सोनवणे यांनी केले. कार्यक्रमासाठी डॉ. योगेशजी निटूरकर, सहकार्यवाह संवेदना प्रकल्प हरंगुळ (बु), डॉ गौरीताई कुलकर्णी प्रशासकीय अधिकारी, विवेकानंद रुग्णालय, श्री व्यंकटजी लामजाने, विशेष शिक्षक संवेदना प्रकल्प, जिल्हा दिव्यांग पुनर्वसन केंद्राचे श्री बसवेश्वर पैके, बहुउदेशिय पुनर्वसन कर्मचारी, श्री अनुप दबडगावकर, तसेच विवेकानंद रुग्णालयाच्या नेत्र विभागाचे श्री. सचिन मनकोस्कार, श्री श्रीकांत तुरतवाड, श्रीमती सुवर्णा शेटे व जनसंपर्क अधिकारी श्री सुजित बोरसुरीकर उपस्थित होते. संत बापू देव साधू निवासी मतिमंद विद्यालय लातूर आणि संत पुंडलिक महाराज निवासी मूकबधिर विद्यालय लातूर या शाळे मधील ४० दिव्यांग विद्यार्थ्यांची व इतर २० जणांची नेत्र तपासणी शिबिरामध्ये करण्यात आली. श्री म्हेत्रे, श्रीमती रोहिणी शेतकर, शेख, श्रीमती इंगळे, श्री केंद्रे विशेष शिक्षक उपस्थित होते. कार्यक्रम यशस्वी करण्यासाठी डी डी आर सी तील सर्व कर्मचारी वृंद तसेच शिबिरासाठी आलेल्या दिव्यांग शाळेतील शिक्षक अथक परिश्रम प्रयत्न केले.

आपले: - जिल्हा दिव्यांग पुनर्वसन केंद्र,लातूर कार्यान्वित अभिकर्ता:- रा. स्व. संघ जनकल्याण समिती (महाराष्ट्र प्रांत) संचलित संवेदना प्रकल्प हरंगुळ (बु) लातूर