संवेदना बहुविकलांग मुलांच्या शाळेतील विशेष मुलांना *"कथा ऐका रंगाची*" ही बालनाटिका सादर
संवेदना बहुविकलांग मुलांच्या शाळेतील विशेष मुलांना *"कथा ऐका रंगाची*" ही बालनाटिका सादर
लातूर शहरांमध्ये गेली 67 वर्ष नाट्य कलाविषयक आवड आणि विचार रुजवणारे सर्वात जुने नाट्य मंडळ म्हणजे कलोपासक मंडळ. याची स्थापना 14 जानेवारी 1956 रोजी कै.राजाभाऊ म्हैसकर यांनी केली.मागील दोन दशकापासून कन्हैयालाल पुरोहित सर हे कलोपासक मंडळाचे अध्यक्ष आहेत. कलोपासक मंडळ विविध कलांचे सादरीकरण करण्यास मदत करते. त्यात नाटक सादर करणे, प्रथितयश व्यावसायिक नाटकांचे प्रयोग, विविध कला, शास्त्रीय संगीत व नृत्यांचे कार्यक्रम लातूर शहरांमध्ये आयोजित करणे आणि त्या माध्यमातून लोकांमध्ये कला, रुची वाढवण्याचे कार्य मंडळ गेली सात दशके अव्याहतपणे करत आहे . रविवार दि.12 /2 /2023 रोजी ही नाट्य स्पर्धा मार्केट यार्ड येथील दगडोजीराव देशमुख सभागृहा, लातूर येथे आयोजित करण्यात आली होती .लातूर शहरातील इतर सामान्य मुलांच्या शाळा बरोबरच संवेदना बहुविकलांग मुलांच्या शाळेतील विशेष मुलांना *"कथा ऐका रंगाची*" ही बालनाटिका सादर करण्याची संधी मिळाली. यात एकूण नऊ विद्यार्थ्यांचा सहभाग होता. मुलांची नावे
रंग लाल - प्रीतम पन्हाळे
रंग हिरवा - फैज पठाण
रंग पिवळा - अर्जुन पाटील
रंग जांभळा - अनुष्का शिंदे
रंग निळा - मानवी पाटील
रंग पारवा - अपूर्व शिंदे
रंग पांढरा - नभा कुलकर्णी
आणि मुख्य पात्रात सूर्यदेव - ओम फड.
नाटकाचे सादरीकरण अप्रतिम झाले.दिव्यांग विद्य्यार्थ्यांचे अभिनय, आवाज, सांघीकता वाखागण्यासारखी होती. मुलांना गिरीश नलवाडे (नलवाडे मोटरचे अध्यक्ष)आणि अर्चना गोवंडे( बालनाट्य समितीचे अध्यक्ष )यांच्या हस्ते प्रमाणपत्र आणि ट्रॉफी देऊन मुलांचे विशेष कौतुक केले. नाटकाची पुर्व तयारीची मेहनत विशेष शिक्षिका सौ जयश्री माने, कु.प्रणिता क्षिरसागर, संगीत शिक्षक श्री योगेश्वर बुरांडे यांनी घेतली.