दिव्यांग मुला मुलींच्या जिल्हास्तरीय क्रीडा स्पर्ध्येत ""संवेदना बहुविकलांग शाळेला प्रथम पारितोषिक" समाज कल्याण विभाग जिल्हा परिषद लातूर जिcल्हा दिव्यांग पुनर्वसन केंद्र लातूर व दिव्यांगांच्या विशेष शाळा यांच्या संयुक्त विद्यमाने आयोजित जिल्हास्तरीय दिव्यांग मुला-मुलींच्या क्रीडा स्पर्धा बाबळगाव येथील पोलीस मुख्यालयाच्या मैदानावर संपन्न झाल्या . या स्पर्धेचे उद्घाटन जिल्हा परिषद चे मुख्य कार्यकारी अधिकारी माननीय श्री अभिनव गोयल यांच्या शुभहस्ते संपन्न झाले .उद्गघाटन कार्यक्रमास प्रमुख पाहुणे म्हणून समाज कल्याण विभागाचे प्रादेशिक उपायुक्त श्री अविनाश देवसटवार, जिल्हा परिषद लातूरचे मुख्य लेखा व वित्त अधिकारी श्री रत्नराज जवळगेकर ,जिल्हा शल्य चिकित्सक डॉ. एल एस देशमुख , जिल्हा दिव्यांग पुनर्वसन केंद्राचे डॉ. राजेशजी पाटील, उपमुख्य लेखा व वित्त अधिकारी श्री श्यामसुंदर देव, जिल्हा क्रीडा अधिकारीश्री जगन्नाथ लकडे, पोलीस मुख्यालयाचे पोलीस निरीक्षक श्री गफार शेख सर, यांच्यासह विविध अधिकारी यांची उपस्थिती होती. या क्रीडा स्पर्धेदरम्यान दिनांक 3 डिसेंबर 2022 रोजी झालेल्या सांस्कृतिक स्पर्धेचे पारितोषिक वितरण करण्यात आले यामध्ये पाच प्रवर्गातून विविध शाळांना प्रमाणपत्र वितरण करण्यात आले. मतिमंद प्रवर्गातून योग या सामूहिक प्रकारात "संवेदना" सेरेब्रल पाल्सी विकसन केंद्र हरंगुळ या शाळेने प्रथम क्रमांक पटकावला. मूकबधिर प्रवर्गातून इंदिरा गांधी निवासी मूकबधिर विद्यालय लातूर यांनी प्रथम क्रमांक पटकावला अस्थिव्यंग प्रवर्गातून निवासी कर्मशाळा उदगीर यांनी प्रथम क्रमांक पटकावला. क्रीडा स्पर्धेमध्ये बहुविकलांग प्रवर्गातून संवेदना सेरेब्रल पाल्सी विकसन केंद्र यांनी 18 प्रथम पारितोषिक घेऊन अजिंक्यपद मिळवले. अस्थि व्यंग प्रवर्गातून सुआश्रय निवासी अपंग शाळा यांनी 17 प्रथम पारितोषिक मिळून अजिंक्यपद मिळवले. मतिमंद प्रवर्गातून संत गाडगेबाबा बालगृह लातूर यांनी आठ प्रथम पारितोषिक मिळून अजिंक्यपद पटकावले. अंधप्रवर्गातून शासकीय अंधशाळा लातूर यांनी नऊ प्रथम पारितोषिक मिळून अजिंक्यपद पटकावले. मूकबधिर प्रवर्गातून सुशीला देवी देशमुख मूकबधिर विद्यालय यांनी अजिंक्यपद पटकावले. पारितोषिक वितरण मुख्य कार्यकारी अधिकारी यांच्या हस्ते करण्यात आले. जिल्हास्तरीय क्रीडा स्पर्धेसाठी पाच प्रवर्गातील 43 शाळांमधून 634 विद्यार्थी सहभागी झाले होते. एकूण 82 क्रीडा प्रकारातून हे सामने संपन्न झाले. सर्व विजेत्या विद्यार्थ्यांना मुख्य वित्त व लेखा अधिकारी श्री रत्नराज जवळगेकर व जिल्हा समाज कल्याण अधिकारी श्री

संतोषकुमार नाईकवाडी यांच्या हस्ते बक्षीस वितरण करण्यात आले. स्पर्धेच्या यशस्वीतेसाठी समाज कल्याण विभागातील श्री राजू गायकवाड श्री बाळासाहेब वाकडे यांच्यासह सर्व दिव्यांगांच्या शाळा मधील मुख्याध्यापक विशेष शिक्षक क्रीडाशिक्षक यांनी परिश्रम घेतले.