संवेदना’ बहुविकलांग मुलांच्या शाळेमध्ये न्युरो- सायकॉलॉजी या विषयाची कार्यशाळा संपन्न
संवेदना’ बहुविकलांग मुलांच्या शाळेमध्ये न्युरो- सायकॉलॉजी या विषयाची कार्यशाळा संपन्न
आज दि. 19 सप्टेंबर 2018 रोजी संवेदना सेरेब्रल पाल्सी विकसन केंद्र, हरंगुळ (बु) लातूर येथे न्युरोसायकॉलॉजी, वैद्यकीय मानसशास्र या विषयावर एक दिवशीय कार्यशाळेचे आयोजन करण्यात आले होते. या कार्यशाळेमध्ये डॉ. मंगला कर्डिले (न्युरोसायकॉलॉजीस्ट), नाशिक यांनी सकाळच्या सत्रामध्ये विशेष गरजा असलेल्या मुलांचे मुल्यांकन केले. त्यादृष्टीने पालकांचे समुपदेशन केले. दुपारच्या सत्रामध्ये उस्मानाबाद, लातूर, परभणी, सोलापूर, बीड या जिल्ह्यांधून आलेल्या पालकांसमोर न्युरो-सायकॉलॉजी, बुध्यांक, वैद्यकीय मानसशास्र या विषयावर माहिती दिली. पालकांच्या सर्व प्रश्नांना उत्तरे कर्डिले मँडम यांनी दिली. विशेष शिक्षकांसाठी स्वतंत्र सत्र घेण्यात आले. यावेळी सर्व शिक्षा अभियान, जिल्हा परिषद, लातूर येथील विशेष शिक्षक, एम.आय.टी च्या फिजीओथेरपी वैद्यकीय महाविद्यालयातील अंतिम वर्षातील विद्यार्थी, विशेष शाळांमधील विशेष शिक्षक उपस्थित होते.
कार्यक्रमास संवेदना शालेय समितीचे अध्यक्ष, प्रकल्प कार्यवाह, मुख्याध्यापिका यांच्यासह शाळेतील सर्व विशेष शिक्षक, काळजीवाहक, पालक यांची उपस्थिती होती.